Ganito ang korte ng aking panalangin:
Matapos kong idamay ang Ama natin,
Papasok akong humihingal-kalabaw,
Nagpabautismo ng pawis at ulan
Sa umaga ng nasirang payong at kanal.
Wala akong tanggi kahit balatkayo ang aircon,
Mamaya, iihitin muli ng kabunyiang sipon.
Muni ko, nasunod na naman ang dasal
Ng mga estudyante kong hindi mapahindian
ng diyos ng tag-ulan.#
No comments:
Post a Comment